⏺Tadbirkorlik va bandlik — ijobiy natijalar

💬Mas’ullar mahallada yangi faoliyat boshlagan “Bekajon” YaTT gilam yuvish korxonasi ish jarayonini ko‘zdan kechirdi.

💬Korxona tashabbuskori N.G‘afforov ilgari xorijda mehnat migratsiyasida bo‘lib, yurtga qaytgach yaratilgan imkoniyatlardan foydalanib o‘z biznesini yo‘lga qo‘ygan. Bugungi kunda u nafaqat o‘z oilasi, balki mahalladoshlarini ham daromad bilan ta’minlamoqda.

✔️ Eng muhim jihati — korxonada 5 nafar kam ta’minlangan oila vakillari ish bilan ta’minlangan. Bu esa “Kambag‘allikdan farovonlik sari” tamoyilining amaliy ifodasidir. 

💬“Migratsiyadan qaytgan fuqarolarimizning bunday tashabbuslari tahsinga loyiq. Aynan shu kabi kichik bizneslar kambag‘allikni qisqartirishda asosiy tayanchimizdir,” — dedi viloyat Kengashi raisi.

📌 Mazkur ijobiy holatlar O‘zbekiston Respublikasining “O‘zbekiston Respublikasi Prezidenti huzuridagi Tadbirkorlik sub’ektlarining huquqlari va qonuniy manfaatlarini himoya qilish bo‘yicha vakil to‘g‘risida” 2017-yil 29-avgustdagi Qonuni bilan chambarchas bog‘liqdir.

⏺Hudud obodligi va yashash sharoitlari o‘rganildi

Shuningdek, ko‘p qavatli uylarning holati va hudud obodonligi ham atroflicha ko‘zdan kechirildi.

💬“Har bir yo‘lak ozoda, har bir ko‘cha yorug‘ bo‘lishi shart. Aholi o‘zini qulay va xavfsiz his qilishi — bizning asosiy maqsadimiz,” — deya ta’kidladi A.Choriyev.

🔅Yakunida ko‘p qavatli uylarga xizmat ko‘rsatuvchi boshqaruv servis kompaniyalari faoliyatini yanada takomillashtirish, aholi uchun munosib yashash sharoitlarini yaratish bo‘yicha mas’ullarga tegishli tavsiyalar berildi.

🫥Mahallada kichik bizneslarning rivojlanishi, yangi ish o‘rinlari yaratilishi va hududlarning obodonlashuvi — aholi farovonligini oshirishning muhim omili bo‘lib xizmat qilmoqda.