🏛Xalq deputatlari Buvayda tumani Kengashining 2025-yil 16-dekabr kungi “2026-yilda Buvayda tumanini kompleks ijtimoiy-iqtisodiy rivojlantirish dasturi to‘g‘risida”gi VII-17-123-11-154-K/25 (https://kengash.gov.uz/doc/228547)-sonli qarori ijrosini nazorat qilish maqsadida xalq deputatlari tuman Kengashi raisi Bahromjon Mamadaliyev hamda tuman Kengashi kotibiyati mudiri Oliyaxon Asqarova joylarga chiqgan xolda o`rganish ishlari amalga oshirildi.

❗️Jumladan tumanning “Elobod” MFY hududida faoliyat yuritayotgan “Evrika 888” MCHJ tomonidan trikotaj maxsulotlari ishlab chiqarish jarayonlari o‘rganildi.

⚡️Korxonada zamonaviy uskunalardan foydalanilayotgani, mahsulot sifati va xavfsizlik talablariga alohida e’tibor qaratilayotgani qayd etildi. Ishlab chiqarilayotgan mahsulotlar nafaqat mahalliy ehtiyojni qondirish, balki yangi ish o‘rinlari yaratish orqali hudud iqtisodiy salohiyatini oshirishga xizmat qilmoqda.

📝Mas’ullar tomonidan ishlab chiqarish hajmini yanada kengaytirish, yangi turdagi mahsulotlarni yo‘lga qo‘yish hamda yosh mutaxassislarni ish bilan ta’minlash yuzasidan tegishli tavsiyalar berildi.

📈Hududda sanoat korxonalarining barqaror faoliyati aholi bandligini ta’minlash va mahalliy budjet tushumlarini ko‘paytirishda muhim omil bo‘lib xizmat qilmoqda.

Slide 1 of 1