23-“Оқтепа” сайлов округидан сайланган депутат
Раҳмонов Жалолиддин Ҳамзаевич томонидан тумандаги музейда ёшлар билан мазмунли
ва очиқ мулоқот руҳида учрашув ташкил этилди. 

Учрашув аввалида депутат мамлакатимизда ёшларга
қаратилаётган эътибор, амалга оширилаётган ислоҳотлар ҳамда яратилаётган
имкониятлар ҳақида атрофлича тўхталиб ўтди.  

Хусусан, ёшларнинг сифатли таълим олиши, замонавий
касб-ҳунарларни эгаллаши, тадбиркорлик фаолиятини бошлаши ва бандлигини
таъминлаш борасида давлат томонидан берилаётган имтиёз ва қўллаб-қувватлаш
механизмлари ҳақида тушунтиришлар берилди. 

Шунингдек, учрашув давомида ёшларни ватанпарварлик,
миллий қадриятларга ҳурмат руҳида тарбиялаш, уларнинг бўш вақтларини мазмунли
ташкил этиш, китобхонлик маданиятини ошириш ва турли салбий иллатлардан асраш
масалалари юзасидан фикр алмашилди. 

Ёшлар томонидан билдирилган таклиф ва муаммолар
диққат билан тингланиб, уларни ҳал этиш бўйича аниқ чора-тадбирлар белгилаб
олинди. Айрим масалалар юзасидан тегишли ташкилотлар билан ҳамкорликда амалий
ёрдам кўрсатишга келишиб олинди. 

Учрашув якунида депутат ёшларни ўз билим ва
салоҳиятини юрт равнақи йўлида сафарбар этишга, фаол фуқаролик позициясини
намоён этишга чақирди.