Bugun viloyat hokimligi katta majlislar zalida hududlardan saylangan Oliy Majlis senati a’zolari, deputatlar, sektor rahbarlari, tashkilot va boshqarmalar boshliqlari ishtirokida xalq deputatlari Surxondaryo viloyati Kengashining beshinchi sessiyasi bo‘lib o‘tdi.

Sessiya ishini xalq deputatlari viloyat Kengashi raisi Choriyev Abduraim Ravshanovich olib bordi.

Kun tartibida deputatlar tomonidan 20 ta masala ko‘rib chiqildi. Xususan, viloyat sektor rahbarlarining biriktirilgan hududlarni ijtimoiy-iqtisodiy rivojlantirish bo‘yicha 2024-yil davomida amalga oshirilgan ishlar yuzasidan hisobotlari eshitildi.

Deputatlar kun tartibiga kiritilgan masalalar yuzasidan mas’ullarning hisobot va axborotlarini tinglab, har bir masala yuzasidan tegishli savollariga javob olishdi va qarorlar qabul qildi.

Sessiya ishi "Surxondaryo" teleradiokompaniyasi orqali to‘g‘ridan to‘g‘ri namoyish etildi.