DASHTBOG‘ MAHALLASIDA CHIQINDILARNI OLIB CHIQISH VA HUDUD TOZALIGI MASALALARI O‘RGANILDI

Xalq deputatlari Namangan shahar Kengashi kotibiyati mudiri 

N. Ubaydullayev tomonidan “Ko‘chama-ko‘cha” yurish jurnali asosida “Dashtbog‘” mahallasida hududning sanitariya holati hamda maishiy chiqindilarni yig‘ish va olib chiqish bilan bog‘liq masalalar o‘rganildi.

O‘rganish davomida chiqindilarni o‘z vaqtida olib chiqish, ko‘cha va aholi yashash hududlarida tozalikni saqlash, chiqindi tashish xizmatining tashkil etilishi hamda fuqarolar uchun qulay va sanitariya talablariga mos muhitni ta’minlash masalalariga e’tibor qaratildi.

Mazkur o‘rganish mahalliy Kengash deputatlari faoliyatining 

14-yo‘nalishi — kommunal xizmatlar, shuningdek, hududlarni obodonlashtirish va sanitariya holatini yaxshilash bilan bog‘liq masalalar doirasida amalga oshirildi.

Huquqiy jihatdan ushbu yo‘nalish O‘zbekiston Respublikasining 2024-yil 5-iyundagi O‘RQ-928-son “Chiqindilar to‘g‘risida”gi Qonuni talablari bilan bog‘liq.

Mazkur qonun chiqindilar bilan bog‘liq ishlarni amalga oshirish sohasidagi munosabatlarni tartibga solish hamda atrof-muhitni muhofaza qilishga qaratilgan.

Hududlarda tozalikni saqlash, chiqindilarni belgilangan tartibda olib chiqish va sanitariya talablariga rioya etilishini ta’minlash aholi salomatligi hamda yashash muhitini yaxshilashda muhim ahamiyatga ega.