🇺🇿 21-OKTABR — O‘ZBEK TILI BAYRAMI KUNI!

O‘zbek tili — millatimizning ma’naviy boyligi, milliy o‘zligimiz va bebaho qadriyatlarimiz timsolidir.

1989-yil 21-oktabrda “Davlat tili haqida”gi Qonunning qabul qilinishi o‘zbek tilining davlat tili sifatidagi maqomini mustahkamlash yo‘lida muhim tarixiy qadam bo‘ldi. 1995-yil 21-dekabrda esa ushbu Qonun yangi tahrirda qabul qilindi.

Tilimizni asrab-avaylash, uning nufuzini oshirish, sofligini saqlash va kelajak avlodlarga yetkazish barchamizning sharafli burchimizdir.
Xalq deputatlari Sherobod tumani Kengashi deputatlari va Kengash kotibiyati jamoasi barcha yurtdoshlarimizni 21-oktabr — O‘zbek tili bayrami kuni bilan samimiy muborakbod etadi!

Barchangizga tinchlik-osoyishtalik, xonadonlaringizga fayz-u baraka tilaymiz. Ona tilimizning dovrug‘i hamisha baland bo‘lsin!

Ona tilimiz — millatimiz faxri! 🇺🇿

Xalq deputatlari Sherobod tumani Kengashi kotibiyati matbuot xizmati.
Bizni kuzatishda davom eting👇
Telegram | Facebook | E-Kengash | Instagram | YouTube