Senat tomonidan taqdim etilgan 24 ta muhim tavsiyaning 13-bandi ijrosini ta’minlash maqsadida “Bo‘ston” mahallasida qad rostlayotgan ko‘p qavatli turar joy binosi qurilishi sifat va xavfsizlik talablariga mosligi ko‘zdan kechirildi.

O‘rganish ishlarida Xalq deputatlari Oltinsoy tumani Kengashining 12-“Bo‘ston” saylov okrugidan saylangan deputat, Kengash kotibiyati mudiri Xujanov Musurmon Abduraxmonovich, tuman hokimi o‘rinbosari Sh.Mo‘minov hamda Kengash kotibiyati bosh mutaxassislari A.Esanov va I.Roziqovlar ishtirok etishdi.

📌 O‘rganishlar davomida:

Qurilish sifati va xavfsizlik: Yangi ko‘p qavatli bino fasadi, tashqi pardozlash ishlari va qurilish obyektida texnika xavfsizligiga rioya etilishi ko‘zdan kechirildi.

Pod’yezdlar va ichki yo‘laklar holati: Bino ichki qismidagi zinalar, qavatlararo yo‘laklar (pod’yezdlar), xonadonlarning joylashuv va pardozlash ishlari sifati atroflicha o‘rganildi.

Qurilish ashyolari va muddatlar: Ishlatilayotgan qurilish materiallarining sifati hamda obyektni belgilangan muddatlarda foydalanishga topshirish masalalari mutasaddilar bilan muhokama qilindi.

O‘rganish yakunida aniqlangan kamchiliklarni bartaraf etish hamda qurilish ishlarini sifatli va xavfsiz yakunlash yuzasidan mas’ul pudrat tashkiloti va quruvchilarga tegishli tavsiya hamda ko‘rsatmalar berildi.

✍️Oltinsoy tumani Kengash Kotibiyati Axborot xizmati

📱Telegram|📱Facebook|📱Instagram 🌐E-kengash|📱YouTube🌎oltinsoy.uz