#Kengash_raisi
#24_ta_tavsiyalar_ijrosi
#haftalik_ish_reja_ijrosi

GULBAHOR MFYDA MAHALLA YETTILIGI FAOLIYATI O‘RGANILDI

Xalq deputatlari Termiz tuman Kengashi 20-Gulbahor saylov okrugi deputati, tuman Kengashi raisi S. Nazarov tomonidan o‘zi saylangan Gulbahor MFYda “Mahalliy Kengash deputati faoliyatining eng muhim yo‘nalishlari bo‘yicha tavsiyalar” ijrosi yuzasidan mahalla yettiligi faoliyati o‘rganildi.

O‘rganish davomida mahalla yettiligi a’zolari tomonidan aholi muammolarini aniqlash va hal etish, oilalar bandligini ta’minlash, kambag‘allikni qisqartirish, yoshlar bilan ishlash, xotin-qizlarni qo‘llab-quvvatlash hamda aholiga ijtimoiy xizmatlar ko‘rsatish borasida amalga oshirilayotgan ishlar ko‘rib chiqildi.

Shuningdek, fuqarolar murojaatlari bilan ishlash, mahalladagi mavjud muammolarga amaliy yechim topish va mas’ul tashkilotlar bilan hamkorlikni kuchaytirish masalalariga e’tibor qaratildi.

O‘rganishdan maqsad — mahalla yettiligi faoliyati samaradorligini oshirish, belgilangan vazifalar ijrosini ta’minlash hamda aholi manfaatlariga xizmat qiladigan ishlarni izchil davom ettirishdan iborat.