Xalq deputatlari Bag‘dod tumani Kengashining “17-Samandarak” saylov okrugi deputati I.Axmedov hududidagi “Guliston” mahalla fuqarolar yig‘inida Kengash Kotibiyati mudiri G‘.Abdullayev hamda Kotibiyat bosh mutaxassisi U.Raximjonov tomonidan 56-umumiy o‘rta ta’lim maktabida o‘quvchilarning jismoniy tarbiya va sport bilan shug‘ullanishi uchun yaratilgan sharoitlar o‘rganildi.

O‘rganish davomida maktabdagi sport maydonchalari, sport zali, mavjud sport jihozlari va inventarlarning holati ko‘zdan kechirildi. Shuningdek, o‘quvchilarning jismoniy tarbiya mashg‘ulotlari hamda sport to‘garaklariga jalb etilishi, mashg‘ulotlarni muntazam tashkil etish imkoniyatlariga e’tibor qaratildi.

Shu bilan birga, sport inshootlarining texnik va sanitariya holati, jihozlarning foydalanishga yaroqliligi hamda mavjud sharoitlarning o‘quvchilar ehtiyojiga mosligi ko‘rib chiqildi.

O‘rganish yakunida o‘quvchilarning sportga bo‘lgan qiziqishini yanada oshirish, bo‘sh vaqtlarini mazmunli tashkil etish, sog‘lom turmush tarzini targ‘ib qilish hamda sport bilan shug‘ullanish uchun yaratilgan sharoitlarni yanada yaxshilash yuzasidan tegishli tavsiya va takliflar bildirildi.