Xalq deputatlari Sharof Rashidov tuman Kengashi deputati Ummatov Dilmurod Nuriboyevich tomonidan Pastki So‘loqli mahallasidagi 50-sonli umumta’lim maktabida O‘zbekiston Respublikasining “Narkologik kasalliklar profilaktikasi va ularni davolash to‘g‘risida”gi O‘RQ-644-son Qonuni ijrosi yuzasidan o‘rganish ishlari olib borildi.
O‘rganish davomida maktabda o‘quvchilar o‘rtasida narkotik va psixotrop moddalar bilan bog‘liq holatlar yuzasidan anonim tarzda murojaat va axborot qoldirish imkonini beruvchi anonim qutining mavjudligi, uning joylashuvi va foydalanish uchun qulayligi ko‘zdan kechirildi.
Shuningdek, mazkur qutining o‘quvchilar uchun ochiq va qulay joyda tashkil etilgani, uning profilaktik ahamiyati, o‘quvchilarni zararli illatlardan himoya qilish hamda ehtimoliy xavfli holatlar haqida o‘z vaqtida xabar berish imkoniyatlarini kengaytirish masalalariga e’tibor qaratildi