Xalq deputatlari Toshloq tuman Kengashi deputati F.Xujamberdiyev hamda kotibiyat bosh mutaxassisi Sh.Xo‘jamberdiyev Arabmozor mahalla fuqarolar yig‘inida bo‘lib, 24 ta muhim tavsiya ijrosi doirasida mahallada amalga oshirilayotgan ishlar holati bilan yaqindan tanishdilar.

O‘rganish jarayonida hududdagi ijtimoiy-iqtisodiy masalalar, aholi bandligini ta’minlash, kambag‘allikni qisqartirish hamda ehtiyojmand oilalarni har tomonlama qo‘llab-quvvatlash borasida bajarilgan chora-tadbirlar samaradorligi atroflicha tahlil qilindi.

Yakunda mas’ullarga aniqlangan kamchiliklarni bartaraf etish, manzilli ishlarni yanada kuchaytirish hamda belgilangan vazifalarni o‘z vaqtida va sifatli bajarish yuzasidan tegishli tavsiya va ko‘rsatmalar berildi.