Xalq deputatlari Toshloq tuman Kengashi deputati F. Xujamberdiyev hamda kotibiyat bosh mutaxassisi Sh.Xo‘jamberdiyev Arabmozor mahalla fuqarolar yig‘inida bo‘lib, tuman Kengashining 2026-yil 22-maydagi “O‘zbekiston Respublikasi Vazirlar Mahkamasining 2024-yil 11-oktyabrdagi 665-son qaroriga muvofiq tuman Obodonlashtirish boshqarmasi tasarrufidagi ichki yo‘llarni saqlash va joriy ta’mirlash ishlari bo‘yicha 2026-yil uchun dastlabki manzilli ro‘yxatni tasdiqlash to‘g‘risida”gi qarori ijrosi, jumladan, ichki ko‘chalar yo‘l infratuzilmasini yaxshilash bo‘yicha amalga oshirilishi belgilangan ishlar holatini ko‘zdan kechirdilar.

O‘rganish davomida dastur doirasida mahalladagi ichki ko‘chalarning yo‘l infratuzilmasini bosqichma-bosqich yaxshilash, mavjud yo‘llarni saqlash va joriy ta’mirlash, shuningdek, aholi uchun qulay va xavfsiz transport harakatini ta’minlash maqsadida amalga oshirilayotgan asfaltlash ishlari bilan joyida tanishildi.

O‘rganish yakunida mas’ullarga yo‘l qurilish ishlarini belgilangan standartlar asosida o‘z vaqtida va sifatli yakunlash, shuningdek, foydalanishga topshirilayotgan ichki yo‘llarning uzoq muddat xizmat qilishini ta’minlash maqsadida ularni muntazam ravishda toza saqlash, joriy saqlash qoidalariga qat’iy rioya etish yuzasidan tegishli tavsiya va ko‘rsatmalar berildi.