Xalq deputatlari Toshloq tuman Kengashi raisi T. Soliyev va tuman Kengashi kotibiyati bosh mutaxassisi Sh. Xo‘jamberdiyev tomonidan “Do‘stlik” mahalla fuqarolar yig‘inida o‘tkazilgan o‘rganishlar davomida 24 ta muhim tavsiya asosida mahalladagi xotin-qizlar faolining faoliyati atroflicha o‘rganildi.

O‘rganish davomida “Ayollar daftari” doirasida xotin-qizlarni ijtimoiy qo‘llab-quvvatlash, ularning bandligini ta’minlash, mavjud muammolarni aniqlash va ularni manzilli hal etish, shuningdek, ehtiyojmand xotin-qizlarga ko‘rsatilayotgan amaliy yordamlarning samaradorligi tahlil qilindi.

“Ayollar daftari”ning 7-bosqichiga 103 nafar xotin-qiz kiritilgan bo‘lib, shundan 1-toifadagi ijtimoiy himoyaga muhtoj ishsiz xotin-qizlar 3 nafarni tashkil etadi. Ulardan 1 nafari doimiy ishga, 2 nafari esa vauчер orqali o‘qishga yo‘naltirildi. 2-toifadagi tadbirkorlik qilish istagidagi ayollar 2 nafar bo‘lib, ularga Xalq banki orqali kredit ajratildi. Shuningdek, 51 nafariga tibbiy va psixologik yordam, 47 nafariga huquqiy yordam ko‘rsatilgan.

O‘rganish yakunida xotin-qizlarning murojaat va muammolarini chuqur hamda har tomonlama o‘rganish, aniqlangan masalalarni qisqa muddatlarda amaliy yechimlar asosida bartaraf etish, ijtimoiy ko‘makka muhtoj xotin-qizlarni manzilli qo‘llab-quvvatlash, ularning bandligini ta’minlash hamda jamiyatdagi faolligini oshirishga qaratilgan ishlarni izchil davom ettirish yuzasidan mas’ullarga tegishli tavsiya va topshiriqlar berildi.