Xalq deputatlari Bo‘ston tumani Kengashi faol deputati R.Sodiqova tomonidan voyaga yetmagan o‘quvchilarning ta’lim-tarbiyasi, xulq-atvori, davomat holati hamda ota-onalarning farzand tarbiyasidagi mas’uliyati masalalari o‘rganildi.

O‘rganish davomida ta’lim muassasasida o‘quvchilar bilan olib borilayotgan tarbiyaviy va profilaktik ishlar, ularning ota-onalari bilan hamkorlik qilish holati hamda mavjud muammolar tahlil qilindi.

O‘zbekiston Respublikasining Ma’muriy javobgarlik to‘g‘risidagi kodeksi 47-moddasida bolalarni tarbiyalash va ularga ta’lim berish borasidagi majburiyatlarni bajarmaslik uchun qonunchilikda belgilangan javobgarlik choralari nazarda tutilgan.

O‘rganish jarayonida ota-onalarning farzand tarbiyasidagi mas’uliyatini yanada kuchaytirish, o‘quvchilarning darslarga muntazam qatnashishini ta’minlash, ularning bo‘sh vaqtini mazmunli tashkil etish, shuningdek, turli salbiy holatlarning oldini olishga qaratilgan profilaktik ishlarni kuchaytirish zarurligi ta’kidlandi.