Xalıq deputatları Bozataw rayonlıq Keńesiniń náwbettegi sessiyasına tayarlıq kóriw barısında O‘zLiDeP deputatlıq toparı tárepinen sessiya aldınan úyreniwler alıp barıldı. 

Úyreniwler “Hududiy elektr tarmoqlari” AJ Qaraqalpaqstan aymaqlıq filialınıń Bozataw rayonı elektr támiynatı bóliminde ótkerildi. 

Úyreniw dawamında rayon aymaǵında elektr energiyası menen támiyinlewdiń házirgi jaǵdayı, elektr tarmaqlarınıń texnikalıq halatı, xalıqqa kórsetilip atırǵan
xızmetler sapası hám elektr támiynatında ushırasıp atırǵan máseleler úyrenildi. 

Sonıń menen birge, puqaralardıń elektr energiyasına baylanıslı múrájatların óz waqtında kórip shıǵıw, aniqlanǵan kemshiliklerdi saplastırıw hám xalıqqa sapalı
hám turaqlı elektr támiynatın támiyinlew boyınsha ámelge asırılıp atırǵan jumıslarǵa itibar qaratıldı. 

🔹 Úyreniwler nátiyjesinde aniqlanǵan máseleler boyınsha tiyisli usınıslar islep shıǵıw, olardı sessiyada kóteriw hám deputatlıq baqlawdı kúsheytiw boyınsha
tiyisli is-ilajlar belgilep alındı.