Xalq deputatlari Farg‘ona viloyati Kengashi deputati I.Jo‘rayev tomonidan Furqat tumanidagi “og‘ir” mahallalar infratuzilmasini yaxshilash, aholi tomorqalari hamda dehqon xo‘jaliklarini barqaror suv bilan ta’minlash borasida olib borilayotgan amaliy ishlar bevosita joyiga chiqqan holda o‘rganildi. Xususan, “Navbahor”, “Ko‘kdo‘ppi”, “Qo‘qonboy”, “Chirkay”, “Ardaxshon” va “Istiqlol” MFYlarida 2 mingdan ziyod xonadonlarning tomorqa hamda ijara yer maydonlarini sug‘orish tizimini yaxshilash maqsadida ariqlarni betonlashtirish, shu jumladan “Ko‘kdo‘ppi” arig‘ining 1,5 km qismini betonlash va yangi ko‘prik qurish ishlari deputat nazoratiga olinib, mas’ullarga topshiriq va tavsiyalar berildi.