Namangan shahridagi 1-sonli umumta’lim maktabi kutubxonasining moddiy-texnik bazasi o‘rganildi

Xalq deputatlari Namangan shahar Kengashi kotibiyati mudiri N.Ubaydullayev hamda Xalq deputatlari Namangan viloyati Kengashi kotibiyati bosh mutaxassisi Sh.Abdullayev boshchiligida Namangan shahridagi “Obi hayot” mahallasi hududida joylashgan

1-sonli umumta’lim maktabi kutubxonasida o‘rganish ishlari amalga oshirildi.

O‘rganish jarayonida kutubxonaning moddiy-texnik bazasi, kitob fondining holati va uni muntazam yangilab borish ishlari, o‘quvchilar uchun yaratilgan kitobxonlik sharoitlari, axborot-resurslaridan foydalanish imkoniyatlari hamda kutubxona faoliyatining samaradorligi atroflicha ko‘zdan kechirildi.

Shuningdek, maktab rahbariyati, pedagoglar va kutubxona xodimlari bilan muloqot o‘tkazilib, o‘quvchilarda kitobxonlik madaniyatini yuksaltirish, badiiy va ilmiy adabiyotlarga qiziqishni oshirish, kutubxona fondini zamonaviy adabiyotlar bilan boyitish hamda mavjud resurslardan samarali foydalanish masalalari muhokama qilindi.

O‘rganish yakunida kutubxonaning moddiy-texnik bazasini yanada mustahkamlash, kitob fondini boyitish, o‘quvchilar uchun zamonaviy va qulay kitobxonlik muhitini yaratish hamda kutubxona faoliyati samaradorligini oshirish yuzasidan tegishli taklif va tavsiyalar berildi.