Xalq deputatlari Jondor tumani Kengashiga 6-Mirzayon saylov okrugidan saylangan deputat G‘. Hamroyev hamda tuman Kengashi kotibiyati mudiri I. Xolov tomonidan Mirzayon mahallasining Obod va Tuprez qishloqlarida aholini qiynab kelayotgan yo‘l muammolari joyiga chiqib o‘rganildi.
✅O‘rganish davomida mazkur qishloqlarda ichki yo‘llarning holati, aholining kundalik harakatlanishi uchun yaratilgan sharoitlar hamda yo‘llarni asfaltlashtirish bilan bog‘liq murojaatlar ko‘zdan kechirildi. Fuqarolar tomonidan yo‘llarni asfaltlash, transport qatnovini yaxshilash va hudud infratuzilmasini yanada rivojlantirish yuzasidan bildirilgan taklif va muammolar tinglandi.
✅Deputat tomonidan aholi murojaatlarini o‘rganish, ularni tegishli tashkilotlar bilan hamkorlikda hal etish hamda hududdagi mavjud muammolarni bosqichma-bosqich bartaraf etish bo‘yicha tegishli choralarni ko‘rish zarurligi ta’kidlandi.
✅Joyiga chiqib o‘rganish natijalari asosida Obod va Tuprez qishloqlaridagi yo‘llarni asfaltlashtirish masalasini tegishli dasturlarga kiritish hamda muammoni amaliy hal etish yuzasidan zarur choralar ko‘rilishi belgilandi.
✅Aholi murojaatlarining joyida o‘rganilishi va ularning yechimi yuzasidan amaliy ishlarning olib borilishi deputatlik faoliyatining muhim yo‘nalishlaridan biridir.