Xalq deputatlari Jondor tumani Kengashiga 6-Mirzayon saylov okrugidan saylangan deputat G‘. Hamroyev hamda tuman Kengashi kotibiyati mudiri I. Xolov tomonidan Mirzayon mahallasida elektr energiyasi ta’minoti bilan bog‘liq muammolar joyiga chiqqan holda o‘rganildi.
🔹O‘rganish davomida aholi xonadonlarini elektr energiyasi bilan barqaror va sifatli ta’minlash, mavjud muammolarni bartaraf etish hamda elektr tarmoqlarining texnik holatini yaxshilash masalalariga alohida e’tibor qaratildi.
🔹Mas’ullarga aniqlangan kamchiliklarni bartaraf etish, aholi murojaatlarini o‘z vaqtida ko‘rib chiqish va elektr ta’minotida uzilishlarning oldini olish yuzasidan zarur choralarni ko‘rish tavsiya etildi.
🔹Shuningdek, tumanda elektr energetikasi sohasidagi munosabatlarni tartibga soluvchi O‘zbekiston Respublikasining 2024 yil 7 avgustdagi «Elektr energetikasi to‘g‘risida»gi O‘RQ-939-son Qonuni ijrosini ta’minlash, belgilangan talablarga rioya etish va aholiga sifatli elektr energiyasi yetkazib berishni yanada yaxshilash maqsadga muvofiqligi bildirildi.
🔹Deputatlik nazorati doirasida bunday o‘rganishlar aholi muammolarini joyida aniqlash va ularning amaliy yechimini ta’minlashga xizmat qiladi.