O‘rganish davomida O‘zbekiston Respublikasining “Aholi bandligi to‘g‘risida”gi Qonuni, O‘RQ-642-son, 2020-yil 20-oktabr hamda “Tadbirkorlik faoliyati erkinligining kafolatlari to‘g‘risida”gi Qonuni (yangi tahrir), O‘RQ-328-son, 2012-yil 2-may talablari asosida mahallada ishsiz fuqarolarni ishga joylashtirish, aholini daromadli mehnatga jalb etish va tadbirkorlik tashabbuslarini qo‘llab-quvvatlash borasidagi ishlar ko‘rib chiqildi.
Xususan, Bo‘ston MFY hokim yordamchisining aholi bandligini ta’minlash, fuqarolarni daromadli mehnatga jalb qilish, tadbirkorlik tashabbuslarini qo‘llab-quvvatlash hamda yangi ish o‘rinlari yaratish borasidagi faoliyati o‘rganildi.
️O‘rganish yakunida aholi bandligini ta’minlash ishlarini yanada kuchaytirish, tadbirkorlik qilish istagidagi fuqarolarga amaliy ko‘mak ko‘rsatish va mavjud imkoniyatlardan samarali foydalanish bo‘yicha tegishli tavsiyalar berildi.