O‘rganish jarayonida mazkur yo‘nalishning 22-bandi — “Aholi bandligi masalalari” yuzasidan amalga oshirilayotgan ishlar tahlil qilindi.
Shuningdek, shahardagi Kengash deputati faoliyatining eng muhim yo‘nalishlari bo‘yicha kunlik ish rejasining 4-bandi — hokim yordamchilari tomonidan amalga oshirilayotgan ishlar samaradorligi, xususan, aholini kambag‘allikdan chiqarish bo‘yicha olib borilayotgan ishlar o‘rganildi.
O‘rganish davomida hokim yordamchisining faoliyati, aholini doimiy va barqaror daromad manbai bilan ta’minlash, ishsiz fuqarolarni bandlikka jalb etish, tadbirkorlik faoliyatini yo‘lga qo‘yish hamda ehtiyojmand oilalarni kambag‘allikdan chiqarish borasida amalga oshirilayotgan ishlar holatiga alohida e’tibor qaratildi.
Aniqlangan masalalar yuzasidan mas’ullarga tegishli tavsiya va ko‘rsatmalar berilib, aholi bandligini ta’minlash hamda kambag‘allikni qisqartirishga qaratilgan ishlarni yanada samarali tashkil etish bo‘yicha takliflar bildirildi.