#24_másele
#5_sanlı_K_Nurlıbaev_saylaw_okrugi
#Milliy_tiklanish_demokratik_partiyası


✅ Deputat máhálledegi qıytaq jerlerinde jetistirilip atırǵan miywe-ovoshlar menen tanıstı

⚡️ Xalıq deputatları Shımbay rayonlıq Keńesi sekretariat baslıǵı M.Zarikeev “Baxıtlı” máhállesindegi qıytaq jerlerden nátiyjeli paydalanıw jaǵdayın úyrenip, olarda jetistirilip atırǵan miywe-ovosh ónimleri menen jaqınnan tanıstı.

Úyreniw dawamında qıytaq jerlerde miyweli terekler hám hár qıylı ovosh eginlerin jetistiriw, olardı tárbiyalaw, suwǵarıw hám ónimdarlıqtı arttırıw boyınsha alıp barılıp atırǵan jumıslar kózden ótkerildi.

Sonday-aq, qıytaq jerlerden únemli paydalanıw arqalı shańaraqlardıń dáramatın arttırıw, ishki bazardı sapalı hám ekologiyalıq taza awıl xojalıǵı ónimleri menen támiyinlew jáne xalıqtıń bántligin támiyinlew máselelerine ayrıqsha itibar qaratıldı.

Deputat xalıqqa qıytaq jerlerden nátiyjeli paydalanıw, eginlerdi agrotexnikalıq talaplar tiykarında tárbiyalaw hám jetistirilgen ónimlerdi realizaciyalaw arqalı qosımsha dáramat alıw boyınsha usınıslar berdi.