O‘zbekiston Respublikasi Prezidentining 2026 yil 5 fevraldagi “Ko‘p kvartirali uylarni boshqarish tizimini yanada takomillashtirish bo‘yicha qo‘shimcha chora-tadbirlar to‘g‘risida”gi PQ-48-sonli qarori ijrosini ta’minlash maqsadida tumanda amalga oshirilayotgan ishlar izchil davom ettirilmoqda. Mazkur qarorda ko‘p kvartirali uylarda yashovchi aholi uchun qulay va munosib yashash sharoitlarini yaratish, uy-joy fondini saqlash va boshqarish tizimini takomillashtirish, hududlarni obodonlashtirish hamda mavjud muammolarni bartaraf etishga alohida e’tibor qaratilgan. Shu maqsadda xalq deputatlari tuman Kengashi deputati X.Xamidov Mingchinor mahallasida joylashgan ko‘p qavatli uylarning holatini o‘rgandi. O‘rganish davomida ko‘p qavatli uylarning umumiy holati, atrof-muhitning obodonligi, hududni saqlash va sanitariya holati, shuningdek, aholi uchun yaratilgan sharoitlar ko‘zdan kechirildi. Shu bilan birga, uy-joylar atrofidagi mavjud kamchiliklar, infratuzilma holati hamda aholini qiynayotgan masalalarga e’tibor qaratildi. Aniqlangan muammolarni bartaraf etish yuzasidan mas’ullarga tegishli tavsiya va takliflar bildirildi. Bunday o‘rganishlardan asosiy maqsad — ko‘p qavatli uylarda istiqomat qilayotgan aholi uchun qulay yashash muhitini yaratish, uy-joylarning saqlanishi va obodonligini ta’minlash hamda aholi manfaatlarini himoya qilishdan iborat.