Xalq deputatlari Marg‘ilon shahar Kengashining Mahalliy budjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiyasi a’zosi, deputat M. Raimdjanov tomonidan 21-B. Marg‘iloniy saylov okrugidagi Yangi bog‘ MFYda o‘rganish ishlari olib borildi.

O‘rganish O‘zbekiston Respublikasi Prezidentining PQ-406-son qarori, Senat Kengashining KQ-35-V-son qarori ijrosini ta’minlash hamda mahalliy Kengash deputatlari faoliyatining muhim yo‘nalishlari bo‘yicha belgilangan 24 ta tavsiya asosida tashkil etildi.

Jarayon davomida mahalladagi hokim yordamchisi U. Mahmudov ko‘magida aholining tadbirkorlik tashabbuslarini qo‘llab-quvvatlash, fuqarolarga yaratilayotgan imkoniyatlardan samarali foydalanish hamda yangi ish o‘rinlarini yaratish borasida amalga oshirilayotgan ishlar o‘rganildi.

Shuningdek, mahallada aholi bandligini ta’minlash, tadbirkorlik faoliyatini rivojlantirish va fuqarolarning iqtisodiy faolligini oshirishga qaratilgan chora-tadbirlarning amaliy samaradorligiga e’tibor qaratildi.
O‘rganishda Yangi bog‘ MFY raisi M. Madaminov ham ishtirok etdi.

Deputatlik nazorati doirasidagi bunday o‘rganishlar mahallalarda tadbirkorlik muhitini yaxshilash, aholining daromad manbalarini kengaytirish va bandligini ta’minlash bo‘yicha mavjud imkoniyatlardan samarali foydalanishga xizmat qiladi.