Yoshlarning tadbirkorlik tashabbuslarini qo‘llab-quvvatlash, ularning yangi loyihalarini amalga oshirish va bandligini ta’minlash davlat siyosatining ustuvor yo‘nalishlaridan biridir.

Shu maqsadda Marg‘ilon shahrining Navro‘z mahallasida tashkil etilgan Yoshlar kichik sanoat zonasida ajratilgan lotlardan samarali foydalanish, investitsiya loyihalarining o‘z vaqtida amalga oshirilishi va yangi ish o‘rinlarining yaratilishi muhim ahamiyatga ega.

Mazkur masala Xalq deputatlari Marg‘ilon shahar Kengashi deputati A. Mahkamov tomonidan deputatlik nazoratiga olindi.
Deputat tomonidan Marg‘ilon shahar hokimining birinchi o‘rinbosari A.Turdaliyevga deputat so‘rovi yuborilib, Yoshlar kichik sanoat zonasida bugungi kunga qadar amalga oshirilgan ishlar, ajratilgan lotlardan foydalanish samaradorligi, loyiha tashabbuskorlarining faoliyati, investitsiya loyihalarining ijrosi hamda yaratilgan ish o‘rinlari to‘g‘risida asoslantirilgan ma’lumot so‘raldi.

Mazkur deputat so‘rovi orqali hududdagi imkoniyatlardan samarali foydalanish, yosh tadbirkorlarni qo‘llab-quvvatlash va yangi ish o‘rinlarini yaratish borasidagi ishlarning amaliy natijadorligini o‘rganish ko‘zda tutilgan.