Xalq deputatlari Marg‘ilon shahar Kengashining 20-Terak tagi saylov okrugi deputati R. Madaminov tomonidan 16-sonli umumiy o‘rta ta’lim maktabida yangi o‘quv yiliga tayyorgarlik holati o‘rganildi.

O‘rganish ishlari O‘zbekiston Respublikasi Prezidentining PQ-406-son qarori, Senat Kengashining KQ-35-V-son qarori ijrosini ta’minlash hamda mahalliy Kengash deputati faoliyatining eng muhim yo‘nalishlari bo‘yicha belgilangan 24 ta tavsiya asosida olib borildi.

Jarayon davomida sinfxonalarning jihozlanishi, sanitariya holati, o‘quvchilar uchun yaratilgan shart-sharoitlar hamda maktabning yangi o‘quv yilini munosib kutib olishga tayyorgarlik darajasiga e’tibor qaratildi.

Shuningdek, ta’lim muassasasida mavjud shart-sharoitlarning O‘zbekiston Respublikasining 2020-yil 23-sentabrdagi O‘RQ-637-son “Ta’lim to‘g‘risida”gi Qonuni talablariga muvofiqligi masalalari ko‘zdan kechirildi.

Mazkur o‘rganishdan asosiy maqsad — ta’lim oluvchilar uchun xavfsiz va qulay muhit yaratish, maktabning yangi o‘quv yiliga puxta tayyorgarligini ta’minlash hamda qonunchilik hujjatlari ijrosini deputatlik nazorati asosida kuchaytirishdan iborat.

Ta’lim sifati va o‘quvchilar uchun munosib shart-sharoit deputatlik nazoratining doimiy e’tiborida.