Xalq deputatlari Chinoz tumani Kengashi deputati L. O‘tkirov tomonidan O‘zbekiston Respublikasining “Davlat uy-joy fondini xususiylashtirish to‘g‘risida”gi Qonuni (846-XII, 1993-yil 7-may) ijrosini o‘rganish maqsadida tuman Qurilish va uy-joy kommunal xo‘jaligi bo‘limida o‘rganish ishlari olib borildi.

📝 O‘rganish davomida davlat uy-joy fondini xususiylashtirish, fuqarolarning uy-joyga bo‘lgan huquqlarini ta’minlash, xususiylashtirish jarayonlarini qonunchilik talablari asosida tashkil etish hamda aholiga ko‘rsatilayotgan xizmatlar holati tahlil qilindi.

🔸 O‘rganish jarayonida quyidagi masalalarga alohida e’tibor qaratildi:
🔹 davlat uy-joy fondini xususiylashtirish sohasida Qonun talablarining ijrosi;
🔹 fuqarolarning egallab turgan uy-joylarini xususiylashtirish bo‘yicha murojaatlarini ko‘rib chiqish va ularni hal etish holati;
🔹 uy-joylarni xususiylashtirish jarayonida hujjatlarni rasmiylashtirish, hisobga olish va belgilangan tartibda qarorlar qabul qilish holati;
🔹 fuqarolarning uy-joyga bo‘lgan huquq va qonuniy manfaatlarini ta’minlash;
🔹 uy-joylarni xususiylashtirishda qonunchilik talablariga rioya etilishi hamda fuqarolarga huquqiy tushuntirishlar berilishi;
🔹 aholining uy-joy masalalari bo‘yicha murojaatlarini o‘rganish, ularni manzilli hal etish va mavjud muammolarni bartaraf etish holati.

🏠 Shuningdek, tuman Qurilish va uy-joy kommunal xo‘jaligi bo‘limi tomonidan davlat uy-joy fondini xususiylashtirish bilan bog‘liq murojaatlarni ko‘rib chiqish, fuqarolarga zarur hujjatlarni rasmiylashtirish bo‘yicha amaliy va huquqiy tushuntirishlar berish hamda uy-joy masalalarida aholiga qulaylik yaratish borasida amalga oshirilayotgan ishlar ham o‘rganildi.

🔺 Qonun talablariga muvofiq, davlat uy-joy fondini xususiylashtirish fuqarolarning uy-joyga bo‘lgan huquqlarini ta’minlash, ularning mulkiy manfaatlarini himoya qilish hamda uy-joydan foydalanish va uni tasarruf etish bilan bog‘liq huquqiy munosabatlarni tartibga solishda muhim ahamiyat kasb etadi.

✅ O‘rganish yakuni bo‘yicha tuman Qurilish va uy-joy kommunal xo‘jaligi bo‘limi boshlig'i Ilhom Bektoshev bilan Qonun talablarining to‘liq va samarali ijrosini ta’minlash, fuqarolarning uy-joyga bo‘lgan huquq va qonuniy manfaatlarini himoya qilish, xususiylashtirish jarayonlarini qonunchilikda belgilangan tartibda amalga oshirish, aholi murojaatlarini o‘z vaqtida ko‘rib chiqish yuzasidan takliflar bildirildi.