Xalq deputatlari Chinoz tumani Kengashiga 21-Sharof Rashidov saylov okrugidan saylangan deputat R.Fozilova tomonidan "Samarqand" va “Madaniyat” mahallalarida fuqarolar murojaatlari hamda hududdagi ijtimoiy muammolarni joyiga chiqqan holda o‘rganish ishlari olib borildi.

🔹 O‘rganish davomida Tashabbusli budjet loyihasi doirasida amalga oshirilayotgan ichimlik suvi tarmog‘i bilan bog‘liq masalaga alohida e’tibor qaratildi.

📌 Ma’lumot uchun, 2025-yil 1-mavsum yakunlari bo‘yicha o‘tkazilgan ovoz berish natijalariga ko‘ra, “Madaniyat” mahallasi 1 190 ta ovoz to‘plab, “Besh qayrag‘och”, “Islohot”, “Charxpalak”, “Termiz” hamda Kamoliddin Behzod ko‘chalariga ichimlik suvi tarmog‘ini tortish loyihasi bilan g‘olib deb topilgan.

🔎 Deputat tomonidan joyiga chiqib o‘rganish davomida loyiha doirasidagi ishlar to‘liq yakuniga yetkazilmagani aniqlandi.
Jumladan, mazkur ko‘chalarga ichimlik suvi tarmog‘i tortilgan bo‘lsa-da, suv qudug‘iga o‘rnatilgan nasosning quvvati aholini yetarli darajada ichimlik suvi bilan ta’minlash imkonini bermayotgani ma’lum bo‘ldi.

❗️ Natijada, loyiha g‘olibi bo‘lganiga qaramay, ushbu ko‘chalarda istiqomat qiluvchi fuqarolar bugungi kunga qadar barqaror va uzluksiz ichimlik suvi bilan to‘liq ta’minlanmagan.

📄 Fuqarolarning murojaatlari va o‘rganish natijalari asosida Chinoz tumani hokimiga tegishli tartibda xat kiritildi.
Unda aniqlangan kamchiliklarni bartaraf etish, loyihani belgilangan talablar asosida to‘liq yakunlash hamda aholini sifatli va uzluksiz ichimlik suvi bilan ta’minlash masalasini ijobiy hal etishda amaliy yordam ko‘rsatish so‘raldi.

🤝 Deputat nazorati — fuqarolar murojaati yechim topguniga qadar davom etadi.