Prezident Shavkat Mirziyoyevning sud tizimi rahbarlari bilan uchrashuvida sud-huquq islohotlarining amaliy natijalari hamda sohada amalga oshirilishi lozim bo‘lgan ustuvor vazifalar muhokama qilingani alohida ahamiyatga ega.

🌏Deputat sifatida ta’kidlash joizki, sud tizimida olib borilayotgan islohotlarning bosh maqsadi — inson huquq va manfaatlarini ishonchli himoya qilish, odil sudlovni ta’minlash hamda fuqarolarning sudlarga bo‘lgan ishonchini yanada mustahkamlashdir. Sudlarning mustaqilligi, qonuniylik va adolat tamoyillarining ta’minlanishi jamiyatda huquqiy barqarorlikni mustahkamlashga xizmat qiladi.

🌏Ayniqsa, sud-huquq sohasida zamonaviy yondashuvlarni keng joriy etish, fuqarolarning murojaatlarini xolis va o‘z vaqtida ko‘rib chiqish, sud qarorlarining qonuniyligi va adolatliligini ta’minlash muhim vazifalardan biridir.

🌏Biz, xalq vakillari sifatida, hududlarda qonun ustuvorligini ta’minlash, fuqarolarning huquq va erkinliklarini himoya qilish hamda amalga oshirilayotgan sud-huquq islohotlarining mazmun-mohiyatini aholiga yetkazish borasidagi ishlarni izchil qo‘llab-quvvatlaymiz.

🌏Eng muhimi, har bir fuqaro o‘z huquqi va qonuniy manfaatlari ishonchli himoya qilinishiga qat’iy ishonch bilan yashashi lozim. Bu esa adolatli va demokratik jamiyat barpo etish yo‘lidagi islohotlarning muhim natijasidir.

Xalq deputatlari Jondor tumani Kengashi deputati O.SHerov