Xalq deputatlari Bo‘stonliq tumani Kengashning 2026-yilga mo‘ljallangan ish rejasiga muvofiq O‘zbekiston “Milliy tiklanish” demokratik partiyasidan saylangan deputat F.Axmedov tomonidan tuman FHDYo bo‘limida aholiga ko‘rsatilayotgan davlat xizmatlari sifati, murojaatlar bilan ishlash holati hamda fuqarolar uchun yaratilgan shart-sharoitlar o‘rganildi.

🔴O‘rganish davomida FHDYo bo‘limi xodimlarining fuqarolar bilan muloqot madaniyati, murojaatlarga munosabati va xizmat ko‘rsatish jarayonlari tahlil qilindi. Xususan, fuqarolar bilan o‘zaro muomala madaniyati yaxshi yo‘lga qo‘yilgani, murojaatchilarga xushmuomalalik bilan munosabatda bo‘linayotgani hamda zarur xizmatlarni ko‘rsatish tezkor tashkil etilgani qayd etildi.

🔴Ma’lumotlarga ko‘ra, joriy yil boshidan buyon bo‘lim tomonidan 409 ta nikoh, 189 ta nikohdan ajralish, 1488 ta tug‘ilganlik hamda 637 ta o‘lim holati davlat ro‘yxatidan o‘tkazilgan. Deputat o‘rganish jarayonida xizmat ko‘rsatishda fuqarolarning vaqtini tejash, hujjatlarni rasmiylashtirish jarayonida ortiqcha ovoragarchiliklarning oldini olish va aholiga qulayliklarni yanada oshirish muhimligini ta’kidladi.

🔴Shuningdek, FHDYo bo‘limi faoliyatida raqamli xizmatlardan samarali foydalanish, aholiga huquqiy tushuntirish ishlarini kuchaytirish hamda murojaatchilarning taklif va e’tirozlarini muntazam o‘rganib borish bo‘yicha tavsiyalar berildi.