🏃‍♂️ MAHALLADAGI SPORT INSHOOTLARI HOLATI O‘RGANILDI

📍 Xalq deputatlari tuman Kengashi -Xalq deputatlari O‘rta Chirchiq tumani Kengashining 22-Qaytmas saylov okrugi deputati A.Altinov nomidan Kengash kotibiyati bosh mutaxassisi Sh.Eshov tomonidan “Qaytmas” mahallasida aholi va yoshlarning sport bilan muntazam shug‘ullanishlari uchun yaratilgan shart-sharoitlar o‘rganildi.

🔎 O‘rganish jarayonida hududdagi mavjud sport maydonchalari va inshootlarining holati, ulardan aholi, ayniqsa, bolalar va yoshlar tomonidan foydalanish imkoniyatlari hamda sport bilan shug‘ullanish uchun yaratilgan sharoitlar atroflicha ko‘zdan kechirildi.

🏃‍♂️ Shuningdek, mavjud sport inshootlarini yanada yaxshilash, ularni ta’mirlash va jihozlash, bolalar hamda yoshlarning bo‘sh vaqtini mazmunli tashkil etish, ularni ommaviy sportga keng jalb qilish masalalariga alohida e’tibor qaratildi.

🤝 O‘rganish davomida aniqlangan mavjud muammolar va takliflar yuzasidan fikr almashilib, ularni bartaraf etish hamda sport bilan shug‘ullanish uchun yanada qulay shart-sharoitlar yaratish bo‘yicha tegishli choralarni belgilash masalalari muhokama qilindi.

💪 Sog‘lom avlod — yurt kelajagi! Yoshlar uchun yaratilayotgan munosib sharoitlar ularning sog‘lom, barkamol va har tomonlama yetuk bo‘lib voyaga yetishiga xizmat qiladi.


✅Xalq deputatlari O‘rta Chirchiq tuman Kengashi kotibiyati axborot xizmati!