Xalq deputatlari Taxiatosh tumani Kengashiga Oʻzbekiston Milliy tiklanish demokratik partiyasidan saylangan deputat Daubaeva Bazargul Maxammatdinovna Kotibiyat bosh mutaxassisi D.Xodjanov bilan birgalikda “Do‘stlik” MFY hududidagi Orol ko‘chasida ko‘chaboshilar va fuqarolar bilan uchrashdi.

💬 Muloqot davomida aholi tomonidan kundalik hayot uchun muhim bo‘lgan qator masalalar ko‘tarildi.

Xususan, ko‘chaga tungi yoritish chiroqlarini o‘rnatish hamda tomorqa yerlarini sug‘orish uchun suv yetkazib berish bo‘yicha murojaatlar bildirildi.

🌿 Shuningdek, “Mahallada obodlik va mehr-oqibat oyligi” doirasida aholini obodonlashtirish, ko‘kalamzorlashtirish va hududni ozoda saqlash ishlariga faol jalb etish yuzasidan fikr almashildi.

📝 Fuqarolar tomonidan bildirilgan murojaat va takliflar deputatning hududdagi muammolarni qayd etish daftariga kiritildi.

🤝 Ko‘tarilgan masalalarni tegishli tartibda o‘rganish, ularning amaliy yechimini izlash va natijasi bo‘yicha ishlarni davom ettirish belgilandi.

📌 Aholi bilan bevosita muloqot — muammoni aniqlashdan uni amaliy yechimgacha olib borishning muhim bosqichidir.