Xalq deputatlari Jondor tumani Kengashi deputati B. Yusupov tomonidan Namgoni, Yobu va Qurilish qishloqlarida yashovchi aholi murojaatlari o‘rganilib, hududdagi muhim muammolardan biri — tomorqa yer maydonlari hamda fermer xo‘jaliklarini zarur suv bilan ta’minlash masalasiga alohida e’tibor qaratildi.
✔️Mazkur qishloqlarda aholi tomorqalaridan samarali foydalanish, yetishtirilayotgan qishloq xo‘jaligi mahsulotlari hosildorligini oshirish hamda fermer xo‘jaliklari faoliyatini barqaror tashkil etishda suv ta’minoti muhim ahamiyat kasb etadi.
✔️Shu munosabat bilan deputat B. Yusupov tomonidan muammoni amaliy hal etish, suv yetkazib berishdagi mavjud kamchiliklarni bartaraf etish hamda tomorqa va fermer xo‘jaliklari yer maydonlariga zarur suvni yetkazib berishni ta’minlash yuzasidan tuman suv yetkazib berish xizmati davlat muassasasi direktori D. Marupov nomiga deputat so‘rovi yuborildi.
✔️Deputat so‘rovida mazkur hududlarda suv ta’minotini yaxshilash, mavjud imkoniyatlardan samarali foydalanish va aholi hamda fermer xo‘jaliklarining qonuniy manfaatlarini ta’minlash bo‘yicha tegishli amaliy choralar ko‘rish so‘ralgan.
✔️Xalq deputatlari Jondor tumani Kengashi deputatlari tomonidan saylovchilar murojaatlarini o‘rganish va ularning muammolarini tegishli tashkilotlar bilan hamkorlikda hal etish ishlari izchil davom ettirilmoqda.