QAROR IJROSI O‘RGANILDI 

Xalq deputatlari Quva tuman Kengashi deputati M. Sayfidinov tomonidan tuman
Kengashi doimiy komissiyalari faoliyati doirasida o‘ziga biriktirilgan tuman
gaz ta’minoti bo‘limining bosh muhandis bo‘limida O‘zbekiston Respublikasi
Vazirlar Mahkamasining “Aholi va ijtimoiy soha ob’ektlariga kundalik hayotda
foydalanish uchun suyultirilgan uglevodorod gazini yetkazib berish tizimini
takomillashtirish to‘g‘risida”gi 646-son qarori talablarining bajarilishi
yuzasidan o‘rganish ishlari olib borildi. 

O‘rganish davomida aholi va ijtimoiy soha ob’ektlarini suyultirilgan
uglevodorod gazi bilan ta’minlash, gaz ballonlarini yetkazib berish hamda
iste’molchilarga xizmat ko‘rsatish holatiga e’tibor qaratildi 

Shuningdek, suyultirilgan gazni aholiga o‘z vaqtida yetkazib berish,
belgilangan tartib va xavfsizlik talablariga rioya etilishi hamda xizmat
ko‘rsatish sifatini ta’minlash masalalari tahlil qilindi. 

O‘rganish yakunida aniqlangan masala va kamchiliklar yuzasidan mas’ullarga
tegishli tavsiya va takliflar berildi.