2026-yil 13-avgust kuni Xalq deputatlari Pastdarg‘om tumani Kengashining Mahalliy budjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiyasi ishchi guruhi tomonidan O‘zbekiston Respublikasi Vazirlar Mahkamasining 2025-yil 11-noyabrdagi 718-son qarori bilan tasdiqlangan *“O‘zbekiston Respublikasi Sog‘liqni saqlash vazirligi tizimidagi tibbiyot muassasalarida pulli xizmat ko‘rsatish tartibi to‘g‘risidagi nizom”*ning tumandagi ijrosi o‘rganildi.
O‘rganish davomida tibbiyot muassasalarida pulli tibbiy xizmatlarni tashkil etish tartibi, xizmat turlari va tariflarning belgilanganligi, aholiga xizmatlar va ularning narxlari haqida ochiq axborot berilishi, to‘lovlarning qonunchilik talablari asosida amalga oshirilishi kabi masalalarga e’tibor qaratildi.
Shuningdek, aholiga qonunchilikda nazarda tutilgan bepul tibbiy xizmatlar o‘rniga asossiz ravishda pulli xizmat taklif etilishining oldini olish, bemorlarning huquq va qonuniy manfaatlarini himoya qilish, shaffoflikni ta’minlash hamda korrupsiyaviy xavflarni bartaraf etish holatlari ham o‘rganildi.
Aniqlangan holatlar yuzasidan mas’ullar bilan fikr almashilib, mavjud kamchiliklarni bartaraf etish va pulli tibbiy xizmat ko‘rsatish jarayonini qonunchilik talablariga muvofiq tashkil etish bo‘yicha tegishli tavsiyalar berildi.