2026-yil 13-avgust kuni Xalq deputatlari Pastdarg‘om tumani Kengashining Mahalliy budjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiyasining navbatdagi yig‘ilishi o‘tkazildi.
Yig‘ilishda kun tartibidan o‘rin olgan quyidagi masalalar ko‘rib chiqildi:
🔹 O‘zbekiston Respublikasi Sog‘liqni saqlash vazirligi tizimidagi tibbiyot muassasalarida pulli xizmat ko‘rsatish tartibi to‘g‘risidagi nizomni tasdiqlash haqidagi Vazirlar Mahkamasi qarorining tumandagi ijrosi.
Mazkur masalalarni joyiga chiqib, atroflicha o‘rganish maqsadida ishchi guruh tuzildi. Ishchi guruh tarkibiga tegishli soha vakillari va mas’ullar jalb etilib, tibbiyot muassasalaridagi amaliy holatni o‘rganish vazifalari belgilandi.
Shuningdek, o‘rganish jarayonida foydalanish uchun maxsus savolnoma ishlab chiqildi. Savolnoma asosida tibbiyot muassasalarida qonun hujjatlari ijrosi, aholiga ko‘rsatilayotgan tibbiy va pulli xizmatlarning holati, xizmatlar sifati hamda mavjud muammolar o‘rganiladi.