Xalq deputatlari Pastdarg‘om tumani Kengashi deputati faoliyatining eng muhim yo‘nalishlari bo‘yicha TAVSIYALARning 18-bandi ijrosini ta’minlash maqsadida xalq deputatlari Pastdarg‘om tumani Kengashi deputati F. Turayev tomonidan Oq Oltin MFYda yashovchi, Chernobil AESidagi avariya oqibatlarini bartaraf etish ishlarida ishtirok etgan Qobil Yo‘ldoshev xonadonida bo‘lib, oilaning sharoiti va mavjud muammolari o‘rganildi.
O‘rganish davomida xonadonni ta’mirlashga ehtiyoj mavjudligi aniqlandi. Jumladan, uy tomidagi shiferlarni almashtirish, devorlarni suvoq qilish va oqlash, hovliga beton qoplama (styajka) yotqizish zarur.
Shuningdek, fuqaroning ajrashgan qizi ishsizligi, sanitariya xodimi sifatida ishlash istagida ekani ma’lum bo‘ldi.
Aniqlangan muammolarni tegishli tashkilotlar bilan hamkorlikda hal etish, xonadonni ta’mirlashda amaliy ko‘mak ko‘rsatish hamda fuqaroning qizini munosib ish bilan ta’minlash masalalarini o‘rganish yuzasidan tegishli choralar belgilandi.