Xalq deputatlari Zomin tuman Kengashi raisi D.Begmatova tomonidan hududdagi umumta’lim maktablarining sport zallari faoliyati va mavjud shart-sharoitlar o‘rganildi.

O‘rganish davomida sport zallarining moddiy-texnik holati, sport jihozlari va anjomlari bilan ta’minlanganligi, yoritish va isitish tizimlari, sanitariya-gigiyena talablari hamda xavfsizlik sharoitlari ko‘zdan kechirildi.

Shuningdek, o‘quvchilarning jismoniy tarbiya mashg‘ulotlari va sport to‘garaklariga jalb etilishi, mavjud sport jihozlaridan samarali foydalanish hamda yoshlar o‘rtasida ommaviy sportni rivojlantirish masalalariga alohida e’tibor qaratildi.

O‘rganish yakunlari bo‘yicha aniqlangan muammolarni bartaraf etish, sport zallarining moddiy-texnik bazasini mustahkamlash hamda yoshlar uchun yanada qulay sharoitlar yaratish yuzasidan tegishli mas’ullarga deputatlik so‘rovlari yuborilishi belgilandi.