Xalq deputatlari Pastdarg‘om tumani Kengashining navbatdagi sessiyasi kun tartibiga kiritilgan tumanda yoshlarga oid davlat siyosatining amalga oshirilishi, “Yoshlarga oid davlat siyosati to‘g‘risida”gi Qonun ijrosining ta’minlanishi, bitiruvchilarning oliy ta’lim muassasalariga kirish ko‘rsatkichlarining 2 yillik tahlili hamda ijtimoiy soha obyektlarining kuz-qish mavsumiga tayyorgarligi masalalari yuzasidan hududlarda o‘rganishlar olib borilmoqda.

Mazkur yo‘nalishlar doirasida Xalq deputatlari Pastdarg‘om tumani Kengashi deputati D. Mardonova tomonidan Badiiy akademiya qoshidagi ixtisoslashtirilgan san’at-internat maktabida o‘rganish ishlari olib borildi.

O‘rganish davomida ta’lim muassasasida o‘quvchilarga yaratilgan sharoitlar, yoshlarning ta’lim-tarbiya jarayoni, ularning ijodiy qobiliyatlarini rivojlantirish uchun mavjud imkoniyatlar hamda muassasaning yangi o‘quv yiliga tayyorgarlik holatiga e’tibor qaratildi.

Shuningdek, ijtimoiy soha obyektining kuz-qish mavsumiga tayyorgarligi, mavjud infratuzilma va moddiy-texnik bazasi holati ham o‘rganildi.