Xalq deputatlari Paxtakor tumani Kengashi deputati D.Ergasheva tomonidan Mingchinor mahallasidagi ko‘p qavatli uylar oldida barpo etilayotgan bolalar o‘yingohi hamda piyodalar yo‘lagi qurilishi muntazam ravishda o‘rganib kelinmoqda.

Deputat tomonidan qurilish ishlarining borishi, bajarilayotgan ishlarning sifati, hududni obodonlashtirish hamda aholi uchun yaratilayotgan sharoitlar ko‘zdan kechirilmoqda.

Shuningdek, bolalar uchun xavfsiz va qulay o‘yingoh tashkil etish, piyodalar harakati uchun qulay yo‘lak barpo etish hamda hududning umumiy ko‘rinishini yaxshilash masalalariga alohida e’tibor qaratilmoqda.

Deputat tomonidan qurilish ishlarini belgilangan talablar asosida sifatli amalga oshirish va obyektlarni belgilangan muddatlarda foydalanishga topshirish yuzasidan mas’ullarga tegishli tavsiyalar berib borilmoqda.