Tuman veterenariya bo‘limi faoliyati o‘rganildi

Tuman veterinariya va chorvachilikni rivojlantirish bo‘limlari hududlarda hayvonlar kasalliklarining oldini olish, oziq-ovqat xavfsizligini ta’minlash va sanitariya nazoratini yuritadi. Xalq deputatlari tuman Kengashlari esa bu kabi sohalarning faoliyatini nazorat qiladi va mahalliy budjet hamda rivojlantirish dasturlarini tasdiqlaydi.

Xalq deputatlari Mirzo Ulug‘bek tumani Kengashining Ijtimoiy soha, yoshlar siyosati, madaniyat va sport masalalari bo‘yicha doimiy komissiyasi tomonidan navbatdagi sessiyaga kiritilgan masalani joyiga chiqib o‘rganish hamda deputatlik nazorati doirasida “Katta Oltintepa” mahallasi hududidagi tuman veterenariya bo‘limida bo‘lib, tashkilot faoliyati bilan yaqindan tanishdilar.

Unda hududda o‘tkazilayotgan veterinariya tadbirlari, veterinariya nazorati, chorva mollari va uy hayvonlarini ommaviy emlash qamrovi, vaksina, biopreparatlar va boshqa vositalar bilan ta’minlanganlik darajasi, veterinariya laboratoriyalarining moddiy-texnika bazasi, epizootik vaziyatni prognoz qilish, hayvonlarni identifikatsiya qilish bo‘yicha amalga oshirilayotgan ishlar va sohadagi muammolar yuzasidan amalga oshirilayotgan ishlar yuzasidan suhbatlar o‘tkazdilar.

Tadbir yakunida hayvonlarning o‘ta xavfli yuqumli kasalliklari kelib chiqishini aniqlashga qaratilgan tadbirlar ustidan nazoratni yanada kuchaytirish dolzarb masala ekanligini ta’kidlab o‘tdilar.