Xalq deputatlari Bag‘dod tumani Kengashi deputati Yegitaliyev Ravshanjon Rustamovich tomonidan Bag‘dod tumani hokimining qurilish, to‘siqlarsiz muhit yaratish, kommunikatsiyalar, kommunal xo‘jalik, ekologiya va ko‘kalamzorlashtirish masalalari bo‘yicha o‘rinbosari U.Yigitaliyevga 2026-yil 12-avgustdagi 61-ds-287-26-sonli deputat so‘rovi yuborildi.

Deputat so‘rovida Bag‘dod tumani "Muqimiy" mahalla fuqarolar yig‘ini "Kumushtola" ko‘chasida istiqomat qiluvchi fuqarolar tomonidan suyultirilgan maishiy gaz ballonlari bilan ta’minlash masalasida murojaat kelib tushgani qayd etildi.

Murojaatda mazkur ko‘chada yashovchi fuqarolar ikki oydan buyon suyultirilgan maishiy gaz ballonlari bilan ta’minlanmayotgani, buning natijasida kundalik ehtiyojlarini, xususan, ovqat tayyorlash va boshqa maishiy yumushlarni amalga oshirishda qiyinchiliklarga duch kelayotganligi bildirilgan.

Shu munosabat bilan deputat so‘rovida "Muqimiy" mahalla fuqarolar yig‘ini "Kumushtola" ko‘chasida istiqomat qiluvchi fuqarolarni suyultirilgan maishiy gaz ballonlari bilan ta’minlash bo‘yicha tegishli choralar ko‘rish, shuningdek, amalga oshirilgan ishlar yuzasidan asoslantirilgan ma’lumot taqdim etish so‘raldi.