Xalq deputatlari Bag‘dod tumani Kengashi deputati Doniyor Toxirovich Xamrakulov tomonidan Bag‘dod tumani hokimligiga 2026-yil 12-avgustdagi 60-ds-287-26-sonli deputat so‘rovi yuborildi.

Deputat so‘rovida Bag‘dod tumani Do‘stlik mahalla fuqarolar yig‘ini “Hamid Olimjon” ko‘chasida mavjud elektr tayanch ustunlariga tungi yoritish chiroqlari o‘rnatilmaganligi, natijada ko‘chada kechki vaqtlarda aholining harakatlanishida noqulayliklar hamda xavfsizlik bilan bog‘liq muammolar yuzaga kelayotgani qayd etildi.

Shu munosabat bilan deputat so‘rovida fuqarolar tomonidan olib kelingan tungi yoritish chiroqlarini “Hamid Olimjon” ko‘chasidagi mavjud elektr tayanch ustunlariga o‘rnatish bo‘yicha tegishli choralar ko‘rish, shuningdek, amalga oshirilgan ishlar yuzasidan asoslantirilgan ma’lumot taqdim etish so‘raldi.