O‘rganish davomida maktabgacha ta’lim tashkilotidagi guruh xonalarining jihozlanishi, mavjud o‘quv va ko‘rgazmali vositalar, didaktik materiallar hamda bolalarning rivojlanishiga xizmat qiluvchi o‘yin va mashg‘ulot jihozlarining holati ko‘zdan kechirildi.
Shuningdek, tarbiyalanuvchilarning yosh va individual xususiyatlarini inobatga olgan holda ta’lim-tarbiya jarayonini tashkil etish, mashg‘ulotlarda zamonaviy va interfaol usullardan foydalanish, bolalarning mustaqil fikrlashi, ijodiy qobiliyatlari, muloqot ko‘nikmalari hamda dunyoqarashini rivojlantirishga qaratilgan ishlar bilan tanishildi.
Tashrif davomida tarbiyalanuvchilar uchun yaratilgan ma’naviy-ma’rifiy muhit, ularning bo‘sh vaqtini mazmunli tashkil etish, turli qiziqarli mashg‘ulotlar va ijodiy faoliyatlarga keng jalb etish masalalariga ham alohida e’tibor qaratildi.
O‘rganish yakunlari bo‘yicha mavjud imkoniyatlardan samarali foydalanish, ta’lim-tarbiya sifatini yanada oshirish, tarbiyalanuvchilar uchun qulay va xavfsiz muhitni ta’minlash hamda aniqlangan masalalarni bartaraf etish yuzasidan mas’ullarga tegishli tavsiya va ko‘rsatmalar berildi.
Deputatlik nazorati doirasidagi bunday o‘rganishlar hududdagi ijtimoiy soha obyektlarida aholiga, xususan, yosh avlodga ko‘rsatilayotgan xizmatlar sifatini yaxshilashga qaratilgan.