Xalq deputatlari Parkent tuman Kengashining 12-“O‘choq” saylov okrugidan saylangan deputati Xikmatova Marhabo Sulxonberdi qizi tomonidan o‘zi saylangan “O‘choq” mahallasi hududida joylashgan ko‘p qavatli turar joylarning holati deputatlik nazorati tartibida ko‘zdan kechirildi.O‘rganish davomida ko‘p qavatli uylarning ichki yo‘laklari (pod’ezdlari), yerto‘lalarining saqlanish holati va texnik ahvoli,uylar atrofidagi hududlarning tozaligi va obodonlashtirilishi, tungi yoritish tizimining ishlash darajasi hamda mavjud infratuzilma atroflicha baholandi.Shuningdek, ko‘p qavatli uylarda istiqomat qiluvchi fuqarolar bilan ochiq muloqot o‘tkazilib, ularning murojaatlari, taklif va ehtiyojlari tinglandi. Xususan, aholi tomonidan hududda toza ichimlik suvi ta’minoti bilan bog‘liq muammolar mavjudligi bildirildi.Deputat tomonidan mazkur murojaat yuzasidan masala
bo‘yicha tegishli tashkilotlarga deputatlik so‘rovi kiritilishi hamda uni Xalq deputatlari Parkent tuman Kengashining tegishli doimiy komissiyasi yig‘ilishida muhokama qilish orqali muammoning ijobiy hal etilishiga ko‘maklashish yuzasidan zarur choralar ko‘rilishi belgilandi.O‘rganish yakunida fuqarolarga ko‘p qavatli uy-joylar va umumiy foydalanishdagi hududlarni ozoda saqlash, obodonlashtirish ishlarida faol ishtirok etish hamda yashash muhitini yanada obod va xavfsiz qilishda har bir fuqaroning mas’uliyati muhim ekani yuzasidan tushuntirishlar berildi.