Xalq deputatlari Jondor tumani Kengashining Mahalliy budjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiyasi yig‘ilishi bo‘lib o‘tdi.
✔️Yig‘ilishda Jondor tumani hududidagi ma’muriy-hududiy birliklar chegaralarini belgilash to‘g‘risidagi masala atroflicha muhokama qilindi. Mazkur masala hududlarning ma’muriy chegaralarini aniq belgilash, yer va boshqa hududiy resurslardan samarali foydalanish hamda hududlarni boshqarish jarayonlarini yanada takomillashtirish nuqtayi nazaridan muhim ahamiyat kasb etishi ta’kidlandi.
✔️Muhokama davomida ma’muriy-hududiy birliklar chegaralarini belgilash bilan bog‘liq taklif va mulohazalar ko‘rib chiqilib, mavjud holat yuzasidan mas’ul mutasaddilarning axborotlari tinglandi. Deputatlar tomonidan hududlar chegaralarini belgilashda qonunchilik talablariga qat’iy rioya etish, aholi manfaatlarini inobatga olish va masalaga har tomonlama yondashish zarurligi qayd etildi.
✔️Yig‘ilish yakunida mazkur masala yuzasidan tegishli taklif va tavsiyalar bildirilib, belgilangan tartibda keyingi muhokama va qaror qabul qilish jarayonlari uchun tegishli choralar belgilandi.
✔️Bunday masalalarning doimiy komissiya yig‘ilishlarida ochiq va atroflicha ko‘rib chiqilishi hududiy boshqaruv samaradorligini oshirish, qonuniylikni ta’minlash hamda tuman hududlarini izchil rivojlantirishga xizmat qiladi.