Xalq deputatlari Jondor tumani Kengashining Mahalliy budjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiyasi yig‘ilishida Jondor tumani mahalliy budjetining 2026-yil 6 oylik ijrosi keng muhokama qilindi.

🔹Muhokama davomida budjet daromadlarining shakllanishi, xarajatlarning belgilangan yo‘nalishlar asosida amalga oshirilishi hamda ajratilgan mablag‘lardan samarali va maqsadli foydalanish holatlari ko‘rib chiqildi. Shuningdek, budjet ijrosida mavjud muammolar va ularni bartaraf etish bo‘yicha tegishli takliflar bildirildi.

🔹Doimiy komissiya a’zolari budjet mablag‘laridan oqilona foydalanish, hududning ijtimoiy-iqtisodiy rivojlanishini ta’minlash hamda aholi manfaatlariga yo‘naltirilgan loyihalarni samarali amalga oshirish muhimligini ta’kidladilar.

🔹Yig‘ilish yakunida aniqlangan masalalar yuzasidan mas’ullarga tegishli tavsiya va topshiriqlar berildi.