O‘rta Chirchiq tumani Kengashining navbatdagi sessiyasiga tayyorgarlik doirasida kun tartibiga kiritilgan masalalar yuzasidan joylarda o‘rganish ishlari davom ettirilmoqda

Xalq deputatlari O‘rta Chirchiq tuman Kengashining Mahalliy budjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiyasi raisi N.Xaitqulov tuman Soliq bo'limi boshlig'i o'rinbosari bilan uchrashuv o'tkazdi.

Tuman Soliq bo‘limi tomonidan 2026-yilning 1-yarim yilligi davomida soliq qonunchiligi ijrosini ta’minlash, davlat budjetiga tushumlarni shakllantirish, soliq qarzdorligini kamaytirish hamda soliq to‘lovchilarga ko‘rsatilayotgan xizmatlar yuzasidan amalga oshirilgan ishlar to‘g‘risidagi xisoboti tinglandi.

Xususan, soliq to‘lovchilarni hisobga olish, soliqlar va boshqa majburiy to‘lovlarning o‘z vaqtida undirilishini ta’minlash, tadbirkorlik subyektlari bilan ishlash, soliq qarzdorligini kamaytirish, fuqarolar va tadbirkorlarning murojaatlarini ko‘rib chiqish hamda sayyor qabullarni tashkil etish borasida amalga oshirilgan ishlar tahlil qilindi

✅Soliq to‘lovchilar tomonidan soliq majburiyatlarining qonunchilik talablariga muvofiq bajarilishi;
✅ Fuqarolar va tadbirkorlik subyektlariga soliq xizmatlarining sifatli va o‘z vaqtida ko‘rsatilishi;
✅ Soliq qarzdorligini kamaytirish, soliqlarni undirish va budjetga tushumlarni ta’minlash borasida amalga oshirilayotgan ishlar;
✅Soliq to‘lovchilar murojaatlarini ko‘rib chiqish, ularga huquqiy va amaliy tushuntirishlar berish;

O‘rganish davomida soliq bo‘limi mas’ullari bilan muloqot o‘tkazilib, soliq to‘lovchilarga ko‘rsatilayotgan xizmatlar sifatini yanada oshirish, tadbirkorlik subyektlariga qulay shart-sharoitlar yaratish, murojaatlarni o‘z vaqtida ko‘rib chiqish hamda soliq sohasidagi qonunchilik talablarini amaliyotda to‘liq ta’minlash bo‘yicha taklif va tavsiyalar bildirildi.

✅Xalq deputatlari O‘rta Chirchiq tuman Kengashi kotibiyati axborot xizmati!