Xalq deputatlari tuman Kengashi kotibiyat mudiri G.Bobojonova tumandagi Kutubxona-axborot markazi faoliyati bilan tanishdi. Tashrif davomida markazda yaratilgan shart-sharoitlar, kitobxonlarga ko‘rsatilayotgan axborot-kutubxona xizmatlari, mavjud adabiyotlar fondi hamda aholi, ayniqsa, yoshlarning kitob mutolaasiga bo‘lgan qiziqishini oshirish borasida amalga oshirilayotgan
ishlar ko‘zdan kechirildi. Shuningdek, kutubxona-axborot markazining moddiy-texnik bazasini yanada mustahkamlash,
kitob fondini zamonaviy va yangi adabiyotlar bilan boyitish, aholiga sifatli axborot xizmatlarini ko‘rsatish hamda kitobxonlik madaniyatini yuksaltirish masalalari yuzasidan fikr almashildi. Tashrif yakunida markaz faoliyatini yanada takomillashtirish, kitobxonlar uchun qulay sharoitlarni kengaytirish va aholi o‘rtasida kitobxonlikni targ‘ib qilish bo‘yicha tegishli tavsiyalar berildi.