Xalq deputatlari Bekobod shahar kengashi 20-“Ma’rifat” okrugi deputati O‘zXDP a’zosi A.Ismatov va kotibiyat bosh mutaxassisi U.Abdunazarov tomonidan Bekobod shahrida jamoat transportining muntazam harakatlanishi, avtobus bekatlarining holati o‘rganildi. O‘rganish O‘zXDP shahar kengashi raisi J.Artiqbaev va “Bekobod ATS” MChJ rahbari K.Xakimov bilan birgalikda olib borildi. Bugungi kunda Bekobod shahri hududida jamoat transporti mavjud emasligi aholini haqli e’tiroziga sabab bo‘lmoqda. Investor A.Gaybullayev tomonidan Xitoy davlatidan
12 dona Ankai rusumli passajir tashishga mo‘ljallangan barcha zamonaviy qulayliklarga ega avtobuslar olib kelinishi bo‘yicha shartnomalar imzolangan. Bugungi kunda barcha zaruriy hujjatlar O‘zbekiston Respublikasi
Transport vazirligiga va Toshkent viloyati hokimligiga taqdim etilgan. Ushbu hujjatlarni ijrosini tezlashtirish yuzasidan Toshkent viloyati Kengashi deputati A.Tuychiyev orqali ko‘rib chiqish belgilandi.